sábado, 8 de marzo de 2008

XSG condena o asesinato dun socialista en Mondragón

A banda terrorista ETA volveu a cometer un acto criminal no que asesinou ó ex concelleiro socialista de Mondragón Isaías Carrasco. As Xuventudes Socialistas de Galicia desexamos transmitir ós familiares, amigos e compañeiros de Isaías toda a súa solidariedade, cariño e afecto nestos momentos de inmenso dolor.
As XSG desexan transmitir a súa máis absoluta condena e a súa infinita repulsa ante o vil asesinato dunha persoa indefensa que se comprometeu ó longo da súa vida coa democracia, os valores e principios que rexen a nosa convivencia pacífica.
ETA ten que saber que xamáis conseguirá os seus obxetivos, que os demócratas non nos imos a rendir ata que consigamos a súa total desaparición. Os terroristas deben ter claro que non imos a aceptar o totalitarismo das balas, a ameaza do medo e da extorsión. O fin último dos asasinos de Isaías é ser detidos, xulgados e condenados a pasar moitos anos en prisión.
Nestos momentos, máis que nunca, é necesario que todos os demócratas estemos unidos frente á barbarie e a sinrazón dos asasinos, para que xuntos demostremos a ETA que non nos vai a acobardar, nin a dividir.
XSG quere trasladar a todos os cidadáns a necesidade de que o próximo domingo se demostre o rexeitamento e a condena deste crime, e a homenaxe a Isaías mediante a participación masiva nas eleccións.