martes, 25 de septiembre de 2012

As XSG-Ferrol: “A Lei Wert é un atraso até o sistema educativo franquista”


As Xuventudes Socialistas de Ferrol esixiron hoxe ao Goberno a paralización da reforma educativa que propón o ministro Wert porque “supón o retorno do sistema educativo do noso país aos anos 60, con reválidas, segregación por sexos e coa asignación dos directores por parte da Administración e sen a participación dos centros”.

Para o secretario xeral das XSG-Ferrol, Aitor Bouza, “resulta vergoñento que, tras recurtar 5.000 millóns de gasto educativo, o ministro descólguese agora cunha reforma educativa que, polo fondo e pola forma, é antidemocrática: polo fondo porque supón retroceder a unha época de ausencia de liberdades no noso país; e pola forma porque vaise basear no rodillo parlamentario, sen falar cos axentes sociais nin coa comunidade educativa”.

Os itinerarios que propón Wert supoñen a creación de guetos, a consagración da falta de igualdade de oportunidades, a implantación dun sistema perverso que vai directamente destinado a crear cidadanía de primeira e de segunda” - engadiron dende a organización- para que “xunto a profunda desigualdade de oportunidades, o ataque directo á igualdade de xénero, consistindo a financiación pública do ensino segregada, é a outra gran sinatura neocón de Wert”.

A instauración de reválidas, ao máis puro estilo do réxime franquista, fainos pensar que Wert tratou de plasmar no proxecto algunha frustración psicolóxica, co lamentable resultado de facerlla pagar ao alumnado” - afirmaron os mozos/as socialistas.

O secretario xeral rematou afirmando que Wert “non só pescuda mellorar o ensino, senón que o empeora, e só vai a atopar o rexeitamento educativo nas rúas e nos centros”.

viernes, 21 de septiembre de 2012

As XSG-Ferrol piden aos poderes públicos un maior esforzo contra a explotación sexual e a trata de mulleres, nenos e nenas


As Xuventudes Socialistas de Ferrol realizaron hoxe un chamamento aos poderes públicos para un maior esforzo na erradicación da trata e o tráfico de persoas con fins de explotación sexual.
En opinión do secretario xeral das XSG-Ferrol, Aitor Bouza, “a explotación sexual supón unha lacra pendente para a que a sociedade civil e os poderes públicos deben dar unha resposta contundente, ante a sistemática violación dos dereitos máis elementais, en especial de mulleres, nenos e nenas.”
Para a organización, “nin a sociedade en xeral, nin os mozos/as en particular, podemos permanecer impasibles ante unha das máis grandes, constantes e vergoñentas situacións de violación da dignidade persoal que padece o planeta, que afecta a 12 millóns de persoas no mundo. Son os poderes públicos – engadiron- quenes deben realizar unha tarefa máis profunda precisamente para representar o sentir cidadán contra esta forma de explotación.”
O secretario xeral das XSG-Ferrol destacou que “os mozos/as socialistas estamos dispostos a reclamar ás administracións esa labor máis profunda para erradicar estas prácticas: as declaracións institucionais están moi ben, pero a acción educativa, a concienciación e a tolerancia cero deben conxugarse para remtar cun delito profundamente extendido, moi lucrativo, que se move nunha atmósfera de ocultación e que goza dunha permisividade incompatible coa protección máis básica dos dereitos humanos”.
Os mozos/as socialistas alertaron de que “non podemos permitir que, baixo o amparo da crise económica, se reduzan os esforzos para combatir esta vergoña no noso propio país, onde unhas 50.000 persoas vense afectadas.” “Non hai excusa económica que valga – concluíron- para reducir esforzos na consecución dunha vida digna para todos os seres humanos”.

jueves, 13 de septiembre de 2012

XSG-Ferrol: “Unha medida eficiente para o ensino sería a dimisión de Wert”


As Xuventudes Socialistas de Ferrol esixiron hoxe a dimisión do ministro Wert tralas declaración que efectuou esta mañá en Televisión Española, segundo as cales non entende “nin as razón nin a esaxeración que se está a facer polas medidas que se están a tomar” e “estanse a chamar retallos a medidas que pescudan unha maior eficiencia”.
O secretario xeral das XSG-Ferrol, Aitor Bouza, manifestou que “retallar as bolsas, endurecendo desmesuradamente os requisitos para o acceso a estas ou incrementar as taxas universatarias en case un 70%, son medidas que non teñen nada que ver coa eficiencia nos servizos públicos, senón que teñen un claro matiz ideolóxico e pescudan expulsar aos mozos/as de menor ingresos na universidade”.
Segundo Bouza, “reducir o número de docentes non é eficiencia, senón empeorar as condicións nas que se desenvolve o ensino público, algo que o PP sempre fai, con crise e sen ela” engadindo que “poñer unha reválida ou cambiar os contidos da materia Educación para a cidadanía son retallos de dereitos, nos que ninguén, agás o o empecinamento de Wert, pode ver máis eficiencia”.
Para a organización, “a limpeza ideolóxica en Televisión Española, expulsando a profesionais por non plegarse ás esixencias do PP para fichar a tertulianos afíns (como a propia parella de Wert) si que son un exercizo de eficiencia: eficiencia na depuración dos disidentes, eficiencia en facerse entrevistas a medida, e eficiencia no ataque a unha televisión pública e plural, aínda que disto o Sr. Wert non fale”.
As XSG-Ferrol consideran que as constantes bravuconadas do ministro Wert só poden solucionarse coa súa saída do ministerio, polo ben do ensino público e para non xerar unha verdadeira ineficiencia.

martes, 11 de septiembre de 2012

XSG-Ferrol: “A subida do IVE cultural aplasta a artistas, creadores e público”


As Xuventudes Socialistas de Ferrol (XSG-Ferrol) sumáronse no día de hoxe á campaña promovida pola organización a nivel federal baixo o lema “No al IVAzo cultural” para denunciar que a subida de 13 puntos do IVE cultural é “un atentado do Partido Popular a un dos tesouros máis valiosos de calquera país: a creación, a conciencia crítica e a innovación que levan aparelladas as creación artísticas.”
Para o secretario xeral das XSG-Ferrol, Aitor Bouza “a subida do IVE aos produtos culturais supón un dobre ataque da dereita ao mundo artístico: por unha banda, un ataque aos creadores, artistas e á súa capacidade de difundir a súa obra, algo que nunca gustou á dereita polo que supón de innovación e de espertar das conciencias críticas; e por outra banda é un ataque á cidadanía, ao vetarlles o acceso á cultura, como parte de formación e de diversión precisa para calquera ser humano e para o enriquecemento común da sociedade”. “Esta subida do IVE ten – agregou- un claro sesgo ideolóxico e non responde a unha medida anti-crise como nos quere facer ver o Goberno de Mariano Rajoy”.
“Os socialistas demostramos, coa proposta de Alfredo Pérez Rubalcaba e do PSOE sobre o gravame aos premios da Lotería que hai alternativas que se poden aprobar antes que subir o IVE cultura nin escolar, pero a dereita viu na crise escusa barata para atacar un mundo co que nunca estiveron cómodos e que sempre quixeron amordazar” – aseguraron dende a Organización.
Os mozos/as socialistas remarcaron que “España demostrou a capacidade dos seus creadores nas diferentes disciplinas, unha calidade que nos fai brillar con luz propia, pero que a dereita se empeña en minusvalorar e non recoñecer”. “Subir o IVE cultura – concluíron- é atentar contra a marca España e contra a imaxe do noso país no seu contexto cultura e este atraso ten nome e apelidos no Partido Popular, e na persoa do ministro Wert, que se converteu no malo da película de auténtico terror para quenes traballan na cultura do noso país.”

viernes, 7 de septiembre de 2012

As XSG-Ferrol solicitan ao PP que non condene ás vindeiras xeracións a unha mendicidade estudantil


As Xuventudes Socialistas Ferrol (XSG-Ferrol) sumáronse á campaña de recollida de material que deu comezo a Organización a nivel federal hai uns día pola importancia que ten este tema e pola repercursión que vai a ter esta medida en moitas familias ferrolás.
O secretario xeral das XSG-Ferrol, Aitor Bouza, explicou que “a campaña, baixo o lema “NO al IVAzo escolar”, pretender recoller material para destinalo ás familias con máis apuros económicos que, dada a subida do 4 ao 21% nesta clase de produtos, non poden proporcionar aos estudantes o material preciso.”
Para Bouza “a subida do IVE aplicada polo Goberno supón profundizar no erro que vén cometendo o Partido Popular na xestón da crise: retallar os gastos e, no que se refire a ingresos castigar a quenes máis débiles se atopan economicamente.”
Os mozos/as socialistas de Ferrol informaron que dende Juventudes Socialistas de España pediuse ao PSOE que “estude presentar un recurso de inconstitucionalidade contra a medida, que ameaza a gratuídade do ensino e que ten un afán confiscatorio ao aplicar un gravame inxustificadamente elevado a bens asociados ao exercizo dun dereito fundamental, que ficaría completamente limitado para parte da cidadanía.”
Dende a organización engadiron que “a subida do IVE ao material escolar en 17 puntos supón un atentado segregador que pode xerar unha brecha educativa profunda entre o alumnado cuxas familias poidan aguantar a subida e os alumnos aos que as súas familias non poidan ofrecerlles un material similar ao dos seus compañeiros/as de clase.” “Esta brutal subida conlevará un custe medio de 640€ por neno/a máis nos gastos asociados á volta ao cole, segundo datos da OCU, o que supón unha mostra clara do ataque continuo do Partido Popular aos dereitos fundamentais”
Dende a formación salientaron que “Ante esta medida regresiva e ante o grave perigo que supón para moitas familias, non podemos permanecer á marxe, polo que imos a implicarnos xunto con toda a nosa Organización nesta campaña para paliar os efectos desta subida do IVE e para axudar ás familiar que peor o están a pasar nesta crise.”
O secretario xeral das XSG-Ferrol defendeu que “ante o “IVAzo” do Partido Popular, o candidato do PSdeG á presidencia da Xunta, Pachi Vázquez, propuxo medidas serias, responsables e comprometidas coas necesidades dos cidadáns. Estas medidas céntranse en dúas liñas fundamentais: o incremento da contía das axudas para libros de texto, material escolar e comedores escolares e a suba do nivel da renda mínima para acadar axuda para este material e servizo.”
Dende a organización explicaron algunhas das propostas do PSdeG nesta materia, entre as que destacan “os libros de texto gratuítos para os alumnos/as cuxas familias teñan rendas mensuais menores de 1.000€”. Así como que “a Xunta asuma a suba do IVE nos comedores escolares, para que non repercuta non prezo que pagan os neno/as por comer neles.” Para finalizar, felicitaron a Pachi Vázquez pola proposta da supresión dos concertos cos centros que segregan por razón de sexo, xa que segundo consideraron “non podemos tolerar que no Estado democrático que nos atopamos, siga habendo tales ataques á igualdade das persoas que o único ao que nos levan é a retroceder a séculos pasados”.
O secretario xeral considerou como “completamente acertadas todas as propostas do candidato socialista que denotan que o noso Partido pescuda unha mellora social dos cidadáns, xa que escoita as súas demandas e pon solucións aos seus problemas”. “Todas estas médidas son básicas e fundamentais para seguir garantindo os servizos públicos e a igualdade de oportunidades entre todos os cidadáns que ven atacados os seus dereitos coa súbida dun imposto completamente inxusto como é IVE que grava por igual aos ricos e aos pobres” engadiu Bouza.
A campaña que presentaron no día de hoxe xa está pendurada nas redes sociais e animaron a toda a cidadanía “a achegar o seu grao de area e a espallar esta campaña a través de todos os medios.” Puxeron a disposición da cidadanía o seu correo electrónico (xsgferrol@gmail.com) para que aquelas persoas que poidan contribuír con material escolar se poñan en contacto con eles.